Procés

Forums Estatua Procés

Tagged: 

This topic contains 35 replies, has 5 voices, and was last updated by  Oier P. This post has been viewed 1108 timesA. This post has been viewed 1108 times 1 week, 5 days ago. This post has been viewed 1108 times

  • Author
    Posts
  • #770

    joseba garcia
    Participant
    Maila: Euskaraz dakien nabarrista!

    Agur trollkideok

    Kuriositatez, zer deritzozue Kataluniako Procésari buruz? Nola irtengo den aposturik? Ondoriorik Euskariarekiko?

    Nahiko sorpresaz hartu naute Euskal Herritik jasotako erreakzioek, ez nituen espero. Aurkakotasuna, indiferentzia, edota positibismo gehiegi ikusi ditut…

  • #773

    Mikelats

    Erreferenduma egin, baiezkoak irabazi eta estatu propio bat sortzen badute EHn independentziaren aldeko aldarriak indarra hartuko du, orain arte proposatutako bidetik (Gure Esku Dago). Indar militar iada atzerritarren kaleratzea eta estatu berriaren egiturak sortzea izango dira gako nagusiak, etorkizunera begira prozesua “eredugarritzat” jotzeko (moral burges-kapitalistatik ikusita). Independentismoa klabe materialistetan ulertzen dutenentzat bultzada ederra izango da, eta beste begirada bat dugunok begi bat bertan jarrita edukiko dugu ea zer estatu mota eraikitzen duten (niretat garrantzitsuagoa izan daitekeena).

    Erreferenduma egin eta ezezkoak irabazten badu proces guztiak ezertarako ez du balioko eta independentismoa bigarren aukera baten esperoan geratuko da Quebec eta Eskozian bezala, ikusteke ilusio kolektiboa mantenduko ote den edo beste afera sozialei (turismoa, inmigrazioa) nola eragiten dien. Gure Esku Dago zaleentzat egundoko desilusioa, helburu zilegiak lortzeko bidean sistemak ezarritako mugak agerian geratuko dira beste behin eta independentista instituzionalistak lur jota geratuko dira.

    Eta azkena, erreferenduma ez bada egiten Espainiar estatuak indarkeriaz ekidin edo azken momentuko ustekabe potoloren bat tarteko. Argi geratuko da biolentziaren monopolioa estatuak duela eta ez duela dudarik egingo behar denean erabiltzeko. EBren azken oharra argia eta gogorra izan da eta baliteke mota honetako esku hartze baten aurrean berau zilegitzat hartzea. Abertzale garen ororentzat oharra, etsaiak edozertarako gauza dira, herri honetan ondo dakigun bezala.

    Nik neuk ez dut batere argi ikusten eta ez nuke aukera baten alde egingo apustu. Katalanek nagusiki bizi maila material hobea edukitzeko nahi dute estatu propioa, eta horrek beti eragin izan dit nolabaiteko konfidantza eza, nik independentismoa era oso ezberdin batean ulertzen baitut, ez soilik klabe materialistan. Esplikatuko dut:
    Niretzat independentzia politikoa (estatu propio bat edukitzea) euskal nazioaren biziraupena ziurtatzeko, bere garapen integrala bultzatzeko (kulturala, ekonomikoa, ideologikoa, espirituala, mundu ikuskera propioa) eta gure lur eta itsasoa zaindu eta ondorengoentzat behar bezala uzteko izan behar du. Ni nazionalista etnikoa naiz eta nire ustetan munduari egin diezaiokegun ekarpen handiena gure lanez gure herria gainerakoentzat eredu izatea da. Euskaldunon artean badago nahikoa kalitate humano behar bezalako estatu bat eraikitzeko. Potentzial handiko herri bat ikusten dut, zaharra baina berrikuntzei irekia eta lanerako kultura indartsu baten jabea. Alferrik galdutako potentziala nire ustetan, hedonismo, indibidualismo eta bestelako ideia arrotzen eraginez.

    Baina hau beste gai bat da eta hobe luzatzen ez jarraitzea, espero dut zer edo zer argitu izana. Ondo segi!

    • #774

      joseba garcia
      Participant
      Maila: Euskaraz dakien nabarrista!

      “eta beste begirada bat dugunok begi bat bertan jarrita edukiko dugu” hori da. Nik nire ideia dut estrategiari buruz, baina ez naiz igarlea. Gure Esku Dago edo Kataluniako procésaren aurka ez dut ezer, estrategia okerrak direla uste dudan arren. Baliteke ni oker egotea eta haien bideak funtzionatzea… Eta zer nahi duzu esatea, gauden egoeran, helbururunzko norabidean goazenok elkar ulertzera kondenatuak gaude. Beste gauza bat da, helbururuntz doazela gezurretan dabiltzanak, esaterako PNV edo, denborak esango du, EHBildu. Edo euskaldunon zatiketa berariaz egiten duten Sorosen morroiak. Zeren beraien nitxo soziala helburu zintzoak dituen beste norbaitek ez okupatzeko hor mantentzea ez da ekintza neutroa, ekintza negatiboa da. Usurpazioa ez da neutroa, negatiboa da.

      Nik, seguraski oker egongo naiz, baina uste dut katalanek ez dutela hurrengo urteetan estatu bat osatuko. Ezta guk ere noski. Katalanak ataka larrian daude okupazioaren aurka ekitean, ez dakit nola aterako diren… gainontzeko estatuak konbentzituz okupazio españolaren aurka presionatzea, españar ejerzitoa militarki garaituz, desobedientzia konstanteaz okupazioak pena merezi ez izatea lortuz… Baina orain 1) Estatalismoa gehiengoa da 2) Desobeditzeko lehenengo pausoa eman dute 3) Aurretik jada herri katalana demografikoki gehiengoa da…

      Guk oraindik ez ditugu 3 horiek, are gehiago, atzera goaz. Ez gaude prest saltoa egiteko. Hori baino lehenago 1) Euskaldun gehiago izan behar gara, ez %12 miserable hau 2) Kultuagoak arlo guztietan, kultura unibertsala gehiago barneratuz eta gutxiago frantses eta española 3) Helburua lortzeko dedikatuagoak eta sakrifiziorako prestuagoak 4) Buruzagitza kultural, ekonomiko, sozial eta militarrarekin. Lehenengo 3ak lortu ahal izateko, lehenik, 4.a lortu behar da.

  • #777

    Hego
    Participant
    Maila: Abertzale txusmeroa

    Kataluniak jada badauka herria eraikita, guk ordea ez.

    Katalunia ama-hizkuntza
    EH ama-hizkuntza

    nortasuna-burujabetasuna

    EH-ak, Kataluniaren bidea jarraitu nahi badu, Flandriartze prozesuari hasiera eman beharko dio.

    Herria lortzeko borroka demografiko-kulturala piztu behar da, baina idea globalistak berenganatzen jarraitu ezkero jai daukagu.
    Konponbidea gizartearen pentsamoldea aldatzea litzateke baina hori ez da lan makala.

    • This reply was modified 3 months ago by  Hego.
  • #807

    Oier P.A.
    Participant
    Maila: Rh-

    Niri lagun katalan batek honakoa esan zidan: “Erreferenduma egingo da eta inflexio puntu bat izango da prozesuarentzat. Garrantzitsuena bi faktore dira: parte hartzea eta emaitza. Parte hartzea %60tik beherakoa bada, erreferendumak porrot egingo du. Aldiz, gorakoa bada, gainontzeko erakunde eta estatu internazionalen babesa lortzeko legitimitate nahikoa izango du galdeketak. %60ko parte-hartzea izanda, horien gehiengo handi batek Independentziaren alde egiten badu, Independentzia adierazpena burutuko luke kataluniar parlamentuak urrengo 48 ordutan.”

    Egia edo ez, argi dago ikuspegi horrek optimismo eta grin handi bat duela atzean, eta ikuspegi hori orokorra omen da kataluniar abertzaletasunean. Nik, aldiz, bi laban-aho ikusten ditut prozesuak eragin duen jarreraren atzean:

    Prozesua lagungarria izan da herri katalanaren autoestimarentzat, nolabait esatearren, berpiztu egin ditu komunitate horren barnean zeuden energia ezkutuak. Hala, katalanak jabetu dira duten botere kolektiboaz, benetako herri baten parte izatearen kontzientzia hartu dute, eta ohartu dira euren bide propioa egiteko gai direla, eta estatu propioa izatea ez dela utopia eginezin bat. Lozorrotik esnatzen diren herriek ikaragarrizko energia irradiazi ohi dute, baina askotan irradiazio horrek itsutu egiten du.

    Eta hor dago labanaren aho iluna: poza eta grin horrek ez du uzten ikusten prozesu horren atzean dauden gaitzak. Batetik, argi eduki behar da prozesu hau hiru alderdi politikok gidatzen dutela, itxuran behintzat, eta bakoitzak bere asmoak eta bere estatu-ikuspegi propioa daukala. Horretaz gain, hiru alderditik batek ere ez dio uko egin mundialismoari, eta mundialismoa etsai nagusiagoa da nazioarentzat espainiar estatua baino. Finean, hiru gizarte proiektu mundialista dauzka kataluinak erabakitzeke, baldin eta estatu propioa lortzen badu; baina ez du proiektu nazional bakar bat ere.

    Hori baino gehiago, soberan frogatua dago masoneria eta sionismoarekin dituen lotura zuzenak Kataluinako kasta politikoak, biak ala biak NWO moduan ezagutzen den proiektu globalista eta satanistaren sustatzaile nagusiak, eta proiektu horren barruan kokatzen dira multikulturalismoa, islamizazioa edo genero ideologiaren aferak. Iturri ofizialen arabera, Kataluina da abortu gehien izaten den komunitatea Espainia osoan eta baita inmigrazio musulman handiena duena (%8,1). Bartzelonako area metropolitanoko gazteen (30 urtetik beherakoen) %20a baino gehiago musulmana da.

    Datu horiek ondo argitzen dute noraino errotu den NWO ideologia progresista gure bizilagunengan. Hala, egun heroitzat hartzen den kasta politiko katalana erantzule zuzena da gai horien sustapenean, ustelkeria-kasu ugaritan sartua egoteaz gain.

    Guzti horren aurrean ezikusiarena egin ohi dute gure lagun katalanek, errazagoa omen delako Madril eta espainiar kasta politikoari guztiaren errua botatzea, diskurtso nagusiak dioen moduan. Ezin daiteke ukatu minbizi bat dela Euskal Herria eta Kataluinarentzako espainiar estatu ustel, progre eta chauvinista honen baitan bizi beharra; baina susmoa dut katalanek barruan dutela etsairik nagusiena, hain zuzen ere, euren gidaritzan. Eta katalanek jasoko duten zaplastekoa galanta izango delakoan nago, poztasun eta grin horren amaiera iristen den egunean, eta ohartzen direnean ezkutuko indar internazionalisten txotxongilo batzuk izan direla. Ikusiko dugu, dena den.

  • #910

    Oier P.A.
    Participant
    Maila: Rh-

    Tira, badirudi ez nengoela oker. La Vanguardia egunkarian azaldu zen duela urte bat George Sorosek finantzatu duela Kataluniako prozesua Open Society estalkiaren bitartez (linka)

    Horregatik adierazi nuen nire zalantza Kataluniako aferaz, hau da, banago guzti horren atzea kontu ilunak daudela herri katalanaren soberaniaren aldekoa banaiz ere. Badakigu zerri horrek Ukrainako Euro-maidan estatu-kolpea finantzatu zuela ere, eta jakin badakigu nola bukatu zen:

    Normala da guzti honek sortu dezakeen euforia katalanengan eta baita euskal abertzaleongan ere, baina ez gaitezen azalekoarekin geratu, guzti hau itzaletatik zuzendua baitago eta ez herri katalanaren mesedetarako.

    • #966

      joseba garcia
      Participant
      Maila: Euskaraz dakien nabarrista!

      Pare bat gauza: Sorosek kasu horietan 50.000 € eman zituen, hori ez da ezer! Kongresuak ez zeuden Kataluniari buruzko gaiekin ere lotuak. Eta masoiak leku guztietan daude, jende inportantearentzako golf klub modukoa da gaur egun. Dena dela, procésak hartzen ari duen atentzio mediatikoa ikusita, susmoa dut deabruarekin ituna egin dutela. Guk dinamika berdinean daramagu 50 urte, gaur egun preso hartu edo multak jartzen dituzte ahoa irekitze hutsagatik, egunkariak itxi, webguneak zenbat?, tortura… eta inork ez digu apur bat ere lagundu. Eta katalanek ere ez. Ez ETArekin ez azkenaldian gogora ekartzen duten Ibarretxe planarekin ez ezer. Nolanahi ere etikoki haiek baina garaiago egoteko unea da eta guk lagunduko diegu haien askatasunaren borrokan. Edozer gertatuko dela ere hurrengo astean Espainiako Erreinuan arrakalatxoa handiagoa izango da eta batez ere asko ikasi ahal izango dugu.

  • #915

    Josu Lavin

    Urriaren 1eco referendum hori ez da ongui atheraco. Ez du ecertaraco ere valioco, eguin baledi ere.
    Constatatu nahi balute cembat dauden independenciaren alde, asqui liçateque hautescunde autonomicoac eguitea, ceinetara alderdi independentista guciac batera presenta bailitezque programma simple eta bakar batez. Alderdioc ceinec bere cerrenda proprioarequin ere joan litezque, baina arguiro adiaraciric helburua dela jaquitea cembat diren independenciaçale.
    Horretara jaquinen luquete cembat diren independentista eta cembat ez. Erraça.

  • #917

    Lander

    Lavin jaunarekin erabat ados nago. Zergatik ez erabat legezkoak diren hauteskundeak egin, programan independentzia jarri eta gero gerokoak? Lehenago egin zirelako eta galdu ere. Hor noski elementu desitxuratzailea Podemosen frankizia izan da, independentistei indarra gal arazi diena.

    Nire ustez Kataluniako ezker erradikalak bultzatu du ez legezko galdeketa hori egitera. Eta beste batzuk horretara apuntatu dira ustelkeriaren arazoa ekiditeko txandrio horren arrimuan.

    Honen atzean Estatu espainolean eman nahi den “erregimen” aldaketa dago, eta horretarako Katalunia palanka bat da ezker muturrarentzat, Rajoy erori arazi eta bestelako gobernu bat ezartzeko. Baina uste badugu Espainiako ezker erradikala eskubi erradikala baino jatorragoa dela, inozo batzuk izango ginateke.

    Espainolak, noski, bere estiloan, 15 pertsona gartzeleratu dituzte “sedizio” delituarengatik. Horrek konfrontazioari indarra emango dio. Baina konfrontazioak ez dakar ezer, Kataluniako gizartea bera zatitua dagoelako.

    Euskal Herrian ikusi dugu epika horrek zertara garamatzan. Neri pena ematen dit Kataluniakoak, iruditzen zaidalako luzatu eta okertu egingo dela. Baina independentziarik batere ez da lortuko. Hori bai, gizartea zatitua, Espainiaren erreflexu fatxistak gori gorian eta abar.

    Hemen ezkerreko aliantza batek, Euskal Herria, Espainia eta Katalunia bereganatzen dituena, erregimen bolivariano bat inposatu nahi du. Ezkerrak beti desitxuratu egiten duelako aberri arazoa. Eta beti ondorio txarrerako.

    • #949

      Oier P.A.
      Participant
      Maila: Rh-

      Hausnarketa polita Lander.

      Tristura ematen du nola beren interesetarako erabiltzen dituzten batzuek eta besteek kataluinarren independentziarako grina. Horren arrazoia da prozesuaren “gidari” politiko bakar bat ez delako indar nazionala, horren kontra, denak dira indar internazionalak, hau da, interes internazionalen mesedetarako lan egiten duten frankiziak: CDCko eskuin-iberal sionistetatik hasita CUPeko anarko-komunista bolivarianoetara iritsiarte. Horrek esan nahi du herri katalana eta bere independentzia politikoa medio hutsak direla internazionalista horien helburu ideologiko eta abarren gauzatzerako; horien artean, Espainiaren zatiketa ingelesen mesederako.

      Inorekin alineatu gabeko mugimendu identitario batek gidatu izan balu prozesu hau, mundu guztia legoke bere kontra eta prentsa internazionalean “faxista”,”nazi” eta halakoak irakurri beharko genukeen gutxienez. Gatazka honek gainera ke-kortina moduan egiten du Madrileko gobernuan dagoen mafia kriminal horren zakarra ezkutatzeko. Baina tira, gutxienez adore apur bat erakusten ari dira katalanak, baita euren arteko elkartasuna eta antolakuntza eredugarria, eta hori ez da gutxi. Nahi bai Euskal Herrian tankerako konpromezuaz gozatu. Badugu hortikan ikasteko.

  • #970

    Oier P.A.
    Participant
    Maila: Rh-

    Bueno, badirudi estatua ez dela geldirik geratuko kataluniako matxinadaren aurrean

  • #971

    Mikelats

    Zer uste zuten ba katalan bihotz onekoek edo Gure Esku Dago-tarrek? Oso ondo geratzen dira kameren aurrean irrifarreak eta kolorinetako ohialak, baina errealitatea bestelakoa da. Politika botere kontua da, eta jakina da agintea duenak ez duela erraz uzten. Esan nuen bezala Espainiak eginahalak eta bi egingo ditu Kataluniak kate motzean jarraitzeko, eta desmadre honetatik beste ezer baino lehen hainbat irakaspen atera beharko genituzke euskaldunok. Pare bat aipatzekotan:
    1) Herria osatzeko/egiteko hizkuntza (kultura?) propioarekiko koherentzia.
    2) Herria askatzeko bide instituzionalaren antzutasuna.
    Datozen egunak intentsoak izango dira, ikusiko dugu ea nola doan hau guztia. Urak baretzean analisirako tartea izango da. Ondo izan

  • #972

    Lander

    Herria askatzeko bide instituzionalaren antzutasuna?

    Botazio demokratiko batean gehiengorik lortzen ez baduzu, orduan tematuko zara bide “ez instituzionalean”? Horri nola deitzen zaio? Gehiengoaren kontra “askatasuna”ren bideari jarraitzea?

    Nire ustez arazoa oso erraza (eta zaila) da, lortu dezagula gehiengo aski gure herria izan nahi duen bezala proklamatzeko.

    Baina gehiengo askirik ezean Estatuta probokatzea, frustrazioa eta mina eragiteko, bide hori niretzat oso okerra da.

    • #973

      Mikelats

      Zuk diozu gehiengo aski behar dela estatuari konfrontazioa planteatzeko. Nik diot gehiengo absoluturik ezin dela lortu gaur egungo gizarte multikultural eta fragmemtatuan. Giza aniztasun eta interes ezberdin gehiegi helburu komun justu eta zilegi bakar bat jarraitu behar izateko.

      Katalunian bertan procesa kolektibo askok babesten dute, feministek, komunistek, burgesia ertainak, funtzionarioek, baita anarkistek ere, pentsa! Gehiengo handiak ordea beren posizioa hobetzeko aukeratzat hartzen du kontua, askatasuna zilegi izanagatik mentalitate materialista hutsean oinarrituta dagoen aldarria dela iruditzen zait niri. Nire elkartasuna dute hala ere, baina ez dut uste eredugarria denik.

      Ni haratago noa, gure herriaren borroka epe luzekoa baita. Oraintxe Kataluniaren moduko prozesu baten bidez EHk estatu konbentzional bat osatuko baluke seguru nago espainiera eta frantzesa hizkuntza ofizialak izango liratekeela. Euskararen erabilera apur bat igoko litzateke hasieran baina Irlandako eredurantz jarraituko genuke gainbeheran. Kantu zaharrak geroz eta jende gutxiagok abestuko lituzke baina momentuko reggaeton kantua denek ahotan eduki, eta erromeria gutxiago eta diskoteka gehiago egongo lirateke etorkizunean.

      Gaur egun nagusi den balore eskalan oinarritutako estatu batek ez ditu euskaldunon oinarrizko arazoak konponduko, azaletik makilatu arren. Eta horretarako giltza herriak du, guk dugu. Bizi nahi hori aktibatu behar da, inertziari buelta eman eta euskalduntasuna egitan sentitzen duten horiei begiak ireki. Txikirako enbidoek (politika formalak) ez dute partida irabazten, handira, pareetara eta jokora botatzeak baizik. Herria indartsu bada bere kasa hasiko da independentzia/askatasun prozesua, baina gauden egoeran egonda etxe barruko kuxidadea konpondu behar da lehenik, hizkuntzaren erabileratik hasita. Segurtasunik gabeko abenturetan sartzea oraintxe bertan etxekalte besterik ez da izango guretzat

  • #978

    Lander

    Nik ez dut ezer esaten konfrontazioari buruz, baizik eta borondate metaketa proposatzen dut, hau da, gehiengoa.

    Niretzat konfrontazioa okerra da, besteak kasu honetan bere gehiengoari begiratzen baitio, guk gure kontsideratutako gehiengoa makur arazteko.

    Eta zoritxarrez, euskaldunok ez diogu gure buruari galdetzen: zein komeni zaigu gaur egun Espainiako gobernuan izatea? Edota pentsatzen al dugu ezker muturreko gobernu batek bere hitz politak beteko dituela bere hazienda propioaren kontra?

    Niretzat intebentzionismo iraultzaile hori guztiz okerra da: Kataluniak hausturaren bidea hartu badu ezkerreko batzuk pentsatzen dutelako hobe dela aberri arazoaz konfrontazioa sortzea, nik nere buruari galdetzen diot, horrek Euskadiri mereziko lioke, edota ez dugu horren eredurik izan gure historia gertuan? Ez al dugu ikusi nora eraman gaituen haustura iraultzailearen bidea?

    Nik ez dut pentsatzen katalanak ezertan, politikan diot eta espirituaren ere, gure aurretik direnik.

    Hizkuntzari dagokionez, hizkuntza nortasunaren kanpo adierazgarria da, eta euskara ahula bada euskal nortasuna, beste maila askotan, ahula delako da. Oteizaren euskal estiloaren zertzelada zaharrak gogoan ditut, nola une batean posible izan zen euskaltasunaz sakonki gogoeta egitea, ohiko politikaren txikikeriak (eta horretan arrazoia duzula iruditzen zait) elkarren arteko elea zapuztu gabe.

    • #979

      joseba garcia
      Participant
      Maila: Euskaraz dakien nabarrista!

      Bai, euskaldunok ere ikusten ari gara historia eta identitaterik gabeko nazioa izatearen ajeak. Baina ez gara bakarrak, Europa osoan damutzen ari dira dekonstrukzionismoaren erokeriaz. Kontua da askorentzat berandu izango dela, haien nazioaren buruzagi guztiak erosiak baitaude.

      Iraultzak nora eraman gaituen ordea… zenbaitzuetan gogoratu behar da nondik atera gintuen haustura iraultzaileak. Mugimendu orok du gorakada eta beherakada bat.

  • #989

    Oier P.A.
    Participant
    Maila: Rh-

    Haustura iraultzailearen estrategia hori órdago bat da, finean, eta karta guztiak aldeko eduki behar dira jauzi hori arrakastaz emateko. Kalte-ordainetan erreparatzea besterik ez dago mugimendu horren porrotak dakarren fakturaz jabetzeko. Banago ez digula gehiago kaltetu estrategia horrek kolonialismoak baino azken hamarkadatan. Katalanek ere ez dituzte euren alde karta guztiak, eta oso mugimendu arriskatuak burutzen ari dira, nahiz eta badakiten jokatzen azkartasunez. Ikusiko dugu nola bukatzen den partida hau. Gure kasuan, akaso, egunen batean, historiak berak emango digu aukera jauzi horretarako (adibidez, kurduek egun, Siria eta Irakeko aferekin dituzten aukeren antzera). Estrategia hori ontzat hartuko bagenu, gure egitea egun litzateke momentu historiko horretarako euskal nazioa bere esparru guztietan indartzen joatea, apurka apurka, ehuleak maindirea josten doan moduan, katalanek hamarkada guzti horietan egin duten moduan kultura eta hizkuntza uztartuz, gu gatazka “iraultzaile” baten odol-hustukerian genbiltzan bitartean. Indartu beharreko esparrurik garrantzitsuenak euskal oinarri etnikoak lirateke, politikoak baino, nire ustez. Europar estatuak ahultzen doaz pixkanaka, eta seguraski iritsiko da egun bat non bi estatu zapaltzaileen desegitea gauzatuko den. Euskal Herria indartsu badago momento horretan, aukera garbi bat izango du bere ahalduntzea gauzatzeko. Sagarra usteltzen ari da, itxoin dezagun eta indartu gaitezen, bada, erortzen den unerako

    Gehiengoaren estrategiak, aldiz, ez du zentzurik ikuspegi politiko batetik, gure arazoa ez baita mugimendu edo alderdi politikoarena, hots, bozkatzaile-kopuru nahiko bat lortzearena. Gure arazoa etnikoa da, edo nazionala nahiago bada, eta gehiengoaren bidezko estrategia ontzat hartzen badugu, ikuspegi ezberdin batetik eragin behar diogu, hau da, ikuspuntu etniko batetik. Gehiengoaren bidez garaitzeko modu bakarra mairuek egiten duten konkista demografikoaren eredua gure egitea da, eta, horretarako, euskal familia etnikoen ugalkortasuna indartu behar da. Hobe esanda, esfortzu ekonomiko, politiko eta sozial gehienak oinarritu beharko lirateke euskal etniaren ugalkortasunean eta Euskal Herritarren euskalduntzean. Eta hor sartzen dira egun politikoki ez-zuzenak diren neurri asko. Hor katalanek galtzekoak dauzkate, herri superprogre guztien moduan: geroz eta katalan etniko gutxiago dira, mairu eta espainolen mesedetan. Orain bertan nekez lortu badezakete balizko gehiengo bat txarnego askoren laguntzarekin, euren azken aukera izan daiteke presio demografikoa dela-eta. Agian arrazoi horregatik bota dute ordagoa orain katalanek, nork daki.

  • #1009

    joseba garcia
    Participant
    Maila: Euskaraz dakien nabarrista!

    herri gehienetan arazorik ez momentuz… hala jarraituz gero, hankasartze izugarria inperioarengandik, ez bero, ez hotz… kameren aurrean gaizki gelditu baina erreferenduma ahalbidetuz

  • #1014

    joseba garcia
    Participant
    Maila: Euskaraz dakien nabarrista!

    Ikaragarria kataluniako herri mugimendua. Kolonizatuak zeuden kataluniar gutxiak ere hurbiltzen ziren hauteslekuetara, guztiak katalanez hizketan, NOaren alde zegoen asko ere. Haiek herri dira, katalana nonahi, errepresiopean ikustean haien herria pasibo asko mugitu da… Eta espainiar okupazioaren estrategiak gerra galdu ez duen arren, igandeko bataila guztiz galdu zuen. Ez hotz, ez bero. Brutalitate horrekin ere ez zuten hauteslekuen %10a itxi, eta prentsa internazionalean egoera den modura agertu da: estatu bat okupatzen duten brutoak dira espainiarrak. Esaterako, gu egon ginen herrian polizia gerturatu bai baina hospa egin zuten, ezta saiatu ere.

    Dena dela hemen zerbait arraroa gertatzen ari da. Europako telebista batzuetan mugimendu independentistak landu zituzten igandean, eta horietan, Milanekoa ere agertzen zen baina ez gurea. Julian Assange esaterako, twit bat idatzi zuen hemengo mugimenduari buruz, eta 30 segundutara ezabatu zuen, oso arraroa. Eta bistakoa dena noski, hemen 500 hildako, 10.000 torturatu, egunero biolentzia eta zentsura, eta ignoratu gaituzte. Nik nire teoria dut honi buruz, geroago landuko dut, baina baliteke elite globalentzat gure herria zentzu spengleriarrean Odolarekiko grin historikoa edukitzea, eta haien Urrearen diktaduran guk lekurik ez izatea.

    Edozen modutara Visca Catalunya, lor ezazue zuen estatua! Apur ditzagun inperioak.

  • #1016

    Mikelats

    Gaur greba orokorra, eta erabat ziurra ez bada ere aste honetan (bihar seguruenik) alde bakarreko independentzia adierazpena. Hala dirudi dela katalanen plana. Asko dago jokoan, eta eszeptiko naizen arren edozer gertatzeko aukerak irekita daude.

  • #1033

    Oier P.A.
    Participant
    Maila: Rh-

    Tentazio handia dut orain artekoari buruz hausnarketa sendo bat plazaratzeko, gauza asko baitaude mamitzeko, baina hobe itxaron apur bat, partida amaitzetik urrun dago-eta. Dena den, Borboiaren mezu irmoak eta Europar Batasunaren babes-ezak kolpe moral bat eragin dio hasierako euforia horri, edo hori da nire lagun katalanengan nabaritzen dudana, izan ere, partida hasi baino lehenago jada etsitu dutela dirudi. Oso jarrera infantila da pentsatzeak Urriak 1eko performance negar-eragile horrekin dena eginda zegoela, zibismo eta pazifismo itxurakeriek hanka motzak baituzte nahiz ta orain ETAk dioen hori dela bide bakarra (lol). Eta ez da indarkeria erabiltzearen kontua, ez ditzagun kontzeptuak nahasi, horixe baita nik herri katalanarentzako nahi dudan azken gauza, are gehiago horren argia denean euren elite mafioso gidarien interesek ez dutenenan nazioarekin zer ikusirik (2018an bukatzen da Andorrako banku-sekretua).

    Barrabil kontua da: ez du Estaturik merezi horretarako dena emateko prest ez dagoenak, eta orain katalanen txanda da demostratzeko ea Estatu hori merezi duten ala ez. Apustu egingo banu, esango nuke katalanen barrabil burgesak ez daudela sakrifizio handietarako prest, eta aitabitxi atzerritarren (Kapital handia? Israel? OTAN?) laguntza finantzero eta militarrik ezean Estatuaren indarrak berandu baino lehen bukatuko duela errebolta “zibiko eta pazifiko” horrekin (azken aldian TV3an modan dauden bi hitzak). Hala ere zurrumurru ilun dexente irakurri ditut azken egunetan, non zenbait mosso eta komandoren altxamendu armatu hipotetiko batekin lotzen diren base-militar portugaldar batean edo Madrileko arma-dena handi batean eginiko arma-lapurretak, eta nire radar konspiranoikoa alerta gorrian dago hori dela-eta. Espero dezagun, dena den, herri katalana ez dadila bere aitabitxi internazionalen biktima bihurtu, Ukraniarren antzera, deabruarekin oheratzea arrisku handiko kontua da eta.

  • #1034

    Hego
    Participant
    Maila: Abertzale txusmeroa

    Espainiako gobernua eraso ekonomikoekin hasi da, Kataluniatik enpresa Katalanen irteera azkartzeko dekretua prestatzen ari dira. Beraz, burujabe izan nahi duen herriak beste herrialdeko menpekotasuna murriztu beharko du horrelako erasoak ekiditzeko. Oinarrizko baliabideak (janaria, energia…) kontrolatzen ez dituzten herrialdeek, burujabetasunik gabeko herrialdeak dira. Horregatik, bertoko produktuen/zerbitzuen kontsumoari lehentasuna eman behar zaio eta ahal bada, EH-an egoitza duten aberri gabeko kapitalisten enpresen ordez euskal kooperatibeei erosi.

  • #1123

    Oier P.A.
    Participant
    Maila: Rh-

    Badakizue zer sentitzen den neskatxa batek gau osoan zehar berotzen zaituenean eta gero, azkeneko momentuan, etxera doala esaten dizunean…? Ba horrela sentitzen naiz jajaja

    • #1124

      Mikelats

      Ai, azkenean CiUko burges hauek askok esaten genuen oilobustiak direla baieztatu da. Desengainu galanta kataluniar herriarentzat. Batzuek governa “Eslobeniar bidea” deiturikoa bilatzen ari dela esan dute, baina baliteke honelako aukera bat historian inoiz gehiago ez errepikatzea. Partida ez da bukatu, baina independentismo katalanak kolpe latza jaso du gaurkoan. Adi egongo gara, ikusteko dago mobilizazio maila hustuko ote ez den gaurkoarekin. Izan ongi!

      • #1126

        Oier P.A.
        Participant
        Maila: Rh-

        Gordina izan daiteke nire ikuspegia, baina, ene ustez, askatasuna ez dago oilobustientzako egina, aitzitik, espiritu aristokratikoei dagokien eskubidea da, adorez eta sakrifizioz irabazia. Nire ikuspegitik, merkatarien propio diren trikimailu eta azerikeriek askatasunerako bide noblea zikindu besterik ez dute egiten, baita egun horrenbeste arrakasta duen estrategia biktimistak ere, aske den herri baten espiritua askatasuneranzko bidean eginiko sakrifizioen bitartez eraikitzen baita. Kasta katalanak bere herria behartu du azpikeriz eta biktimismoz beteriko bide batera, baina bide horrek ez du euskal arimarekin zer ikusirik. Gu ez gara merkatarien herri bat, gu gizaseme askeen ondorengoak gara, aitonsemeak, zeinek euren libertadeak defendatu zituzten euren biziarekin inolako antzezpen eta sentiberatasun afeminaturik gabe. Eta hala izan beharko luke gure bidea ere, euskaldunoi dagokigun harrotasunez buruturikoa. Ez dezatela nirekin kontu egin bide katalana gurera ekarri nahi duten horiek.

  • #1134

    Mikelats

    Geroak esango du Puigdemont estratega azkar bat, traidore koldar bat edo saldu hutsa izan ote den, baina independentziazaleei oraingoz jokaldia gaizki baina okerrago ateratzen ari zaie:

    http://www.berria.eus/albisteak/146065/rajoyk_bost_egun_eman_dizkio_puigdemonti_deklaraziorik_egon_den_edo_ez_argitzeko.htm

  • #1238

    Mikelats
    Participant
    Maila: Rh-

    Hari hau berri ere gainera ematea tokatzen da. Geroz eta argiago geratzen ari da estatu propio bat sortzeko Kataluniar bidea antzua dela (gaur egungo testuingueuan bederen). Azken asteak Espainiar interesen balantzaren alde izan dira, independentzia orain dela 20 egun baina hurrunago ikusten da eta badirudi ez dagoela atzera buelta hau geldituko duenik.

    Proces luze honen ondoren lortzen dena 0 patatero bada kataluniar herria desmobilizazio eta apatia egoeran geldituko dela aurreikus daiteke. Hainbeste indar ezertarako egin ez duenaren etsipena eta inpotentzia sentimenduak azaleratuko dira, hemen ETAren borroka armatuaren errendizio ondorenean gertatu den bezala (bi errealitateen arteko distantziak mantenduz). Bide guztia alferrikakoa izan dela argi egonda ere, euskal progresiak bere gainbeheraren eta base sozialaren desmobilizazioaren konponbidea procesaren antzerako zerbait antolatzean ikusi du. Jendearengan ilusioa piztu nahi dute beraien erreditu politikoarentzat, ildo horretan egindako edozein egitasmok ezertarako balioko ez duela jakinda ere. Hona lilura inozoaren adibidea:

    https://www.berria.eus/paperekoa/1804/005/001/2017-10-20/errepublikaren_errezeta_bor_borra.htm

    Disidenteok analisi zorrotza egin behar dugu bide katalanak erakutsi digunaren inguruan. Irakaspen garrantzitsuak uzteaz gainera gainerako abertzaleei begiak irekitzeko aukera eman digu. Ekin gogor!

  • #1241

    Oier P.A.
    Participant
    Maila: Rh-

    Prozesuaren atzean dauden buruek biktimizazioaren estrategiaren alde egin zuten apostu, Europa eta munduari herri oprimituaren irudia saltzeko asmotan. Horren erakusle da “HELP CATALONIA” propaganda bideoa, zeinak barre-algara gehiago eragin dituen malkoak baino. Niri performance guzti horiek auzo-lotsa eragiten didate, egia esan, eta jada gogaitua nago gauza horietaz. Gogoan ditut 2010-2011ko greba orokorrak Bartzelonan, non Gossoek gomazko pilotak eta ke-poteak jaurti zituzten hurbil-hurbiletik hor genbiltzan manifestarion aurka zauritu asko eraginez (batzuek begia galdu zuten eta guzti). 15-Mko akanpada hustu zutenean, ere, egundoko jipoia banatu zuten Gossoek berriz ere.

    Eta zer esanik ez Euskal Herrian jaso dugunarekin, ehundaka manifestaldi eta ekimenetan, zauritu-larriak eta hildakoak barne. Horren aurrean, ezin daiteke esan bereziki gogorra izan zenik poliziak edukitako jarrera urriak 1ean, zenbait kolpe eta bultzakada izan baziren ere. Izan ere, Estatua biktimismo-estrategia horren jakitun da, eta ez die independentzia-zaleei martiririk oparitu nahi, eta horregatik ez du ezarri 155a, horregatik ez ditu bere zakurrak atera kaleetara eta horregatik ez ditu lider independentista guztiak zuloan sartu berehalakoan. Badirudi nahiago duela gauzak bere kabuz usteltzen utzi, eta, giroa apur bat hoztu denean akaso, orduan ekin atxiloketei. Buru independentistek hobe dute beste karta bat eduki mahuka-azpian, badirudi jendeak ez duela erosi euren propaganda biktimista prentsa britaniar, gringo, errusiar eta israeldarra (globalista, finean) alde izanik ere. Horren kontra, esango nuke dexente zikindu dela euren irudia horren erruz europa-mailan, jendea tontotzat hartu izanagatik akaso. Niri behintzat nahiko ezduina iruditzen zait mundutikan biktima zapalduaren itxura ematen ibiltze-hori, eta berdina esan daiteke euskaldunon kasuan non urte dexente ibili garen pena eman nahian. Bada garaia ikuspegi duinago batetik ekiteko gure borrokari, bizitasun eta harrotasun handiago batetik, kontxo.

  • #1289

    joseba garcia
    Participant
    Maila: Euskaraz dakien nabarrista!

    Beno, argi gelditu da euskaldunok GUZTIA, baina GUZTIA egiten dugula gaizki eta katalanek GUZTIA GUZTIA ondo. GUZTIAN ikasi behar dugu haiengandik.

    Orain jendea dabil esaten Puigdemont reptiliano español bat dela, Urkulluren antzera. Baliteke. Baina baliteke ere ohartzea apustua galdu dutela, haien estatu independiente eta ez okupatua ez dagoela orain eraikitzerik. Oso serio diot, biak dira posible. Oraingo batailan guztia badute galtzeko, zertarako egingo dute salto eta gerra galdu guztiz?

  • #1293

    Mikelats
    Participant
    Maila: Rh-

    Lehenik eta behin, zorionak Katalunia!

    Iritsi da egiaren ordua, iada ez dago atzera bueltarik. Ia denok (ni barne) uste genuen baina askoz ere hurrunago heldu dira kataluniarrak. Orain lortutakoa nola defendatu, estatuaren esku hartzea ekidin eta froga gainditzen bada estatu berriaren egiturak osatzean datza erronka. Erronka zaila, baina orain arte Madrilen erasoei aurre egiten maisu izan dira, beraz ikusiko da zer gertatzen den ondorengo egunetan. Nire apustua: atxiloketak, botere guneen okupazioa eta autonomia bertan behera geratzea. Herritarren mobilizazioak antzuak gertatuko dira, GCren indarraren erabilera ikusiko dugu berriro inork aurre egiten ez dien bitartean.

    Izan ere ondorengo egunetan gertatuko dena funtsezkoa izango da, euskal abertzaletasun instituzionalean ezarriko diren paradigmak zehaztuko dituelako. Gogoratu abenduaren 5ean Gure Esku Dagoren kontsulta txupigai horietakoak daudela hainbat herritan, eta parte hartzea asko baldintza dezakete gertaerek. Eta era berean parte hartzeak gauzak ondo egiten ari ez denaren abisua eman diezaieke euskal progreei. Disidenteok garenok argi dugu gure bidea bestelakoa dela, helburu sakonagoak ditugulako eta horrek epe luzeko estrategia eskatzen duelako. Baina gure inguruko askorengan begiak irekitzeko aukera ematen digu egoera honek, progresiaren ez buru eta ez hankarik gabeko ametsak eta Madrilen izaera autoritarioa agerian uzten ditu eta. Madrilen izaeraz puska bat bagenekien iada, baina progresiaren iupi mundua eta planteamentu zentzugabeak errealitate gordinarekin topo egiten dutenean gauzak nolakoak diren tupustean ikusiko ditugu askok. Geroak esango du. Izan ongi

  • #1385

    Mikelats
    Participant
    Maila: Rh-

    Aste bete eta gero, ditxosozko independentzia paperean geratu dela da ondorioa. Kataluniak Espainiako Erresumaren parte izaten jarraitzen du, bere liderrak atxilotuak izan dira eta independentisten gehiengoak berak badirudi bukatutzat eman duela abentura. Orain manbo osteko ajea dator, ikusteke dago ea nola eragiten duen porrotak gure herrian eta ea zerbaitetan aldatzen dituen gauzak. Oraingoz ‘gure’ progreak porrota ezin onarturik dabiltza, nahiz eta kalean gehiengoak Kataluniarekiko distantzia mantentzea ezinbestekotzat jo. Ondorengo artikulua irrazionaltasun progrearen adibide:

    Botoak edo bonbak

    Zuon ustez nola eragingo du procesaren porrotak EHn? Alderdiez gaindi, kaleko jendeak zein erreakzio izan du orokorrean?

    • #1387

      Oier P.A.
      Participant
      Maila: Rh-

      Finean, ez da posible egiazko independentzia bat gehiengo nagusirik gabe, azpiegitura estrategikoen (aireportuak, portuak, autopistak, energia-zentralak) jabe egin gabe, gobernu eta administrazio-erakundeak sortu edo menpean hartu gabe (polizia eta armada-koartelak barne), babes internazionalik gabe… eta guzti hori ezin daiteke lortu deklarazio politikoen, manifestaldien, tweeterreko txioen, propaganda-performanceen, eta arrazoi gutxiko biktimismoaren bitartez. Guzti hori ke-hutsa da. Balio dezake prozesuaren fase batean jendearen arreta eta babesa erakartzeko, baina ezer gehiagorik gabe guzti hori ke-hutsean geratzen da. Gogoratzen dut lagun katalanekin hizketan, pentsatzen zutela soilik horrekin bidea egina zutela giza eskubideen “Europa” eta bere babesa argudiatuz. PDeCATek dio Eslobeniako eredua jarraitu nahi dutela, baina ez dute esaten Eslobeniarrek 50.000 soldadu eta polizia armaturekin egin ziotela aurre Yugoslaviako armadari herritarren %90aren babesarekin 10 eguneko gerran 60 bat hildako, 150 zauritu eta 5000 atxilotu suertatuz, eta hori guztia mendebaldeko potentzien laguntza osoarekin, hau da, guztia euren alde izanik. Eta niri ez zait iruditzen horretara iristeko prest daudenik buruzagi zein herritar katalanak, orain artekoa ikusita behintzat, eta gainera %40 baino gutxiago direlarik independentziaren aldekoak. Dena den, badirudi kontua luzerako doala, beraz ikusteko dago oraindik guzti honen bukaera.

      • #1388

        joseba garcia
        Participant
        Maila: Euskaraz dakien nabarrista!

        HAU
        Ni betidanik izan naiz mesfidati estrategia sektore batean soilik zentratzen duten proposamenekiko: armak, kulturan, proletargoa, enpresaritza, mobilizazioak, instituzio kolonialak, laguntza internazionala… argi dago nazioa eta estatua osatzen duten atal guztietatik egin beharko dela tira. Herri batek kolonia bat izatetik atera nahi badu boteretsua izan behar du arlo bakoitzean. Hor dago gakoa. Eta katalanek oso ongi egin dute baina nik uste dut goizegi egin dutela saltoa, edo agian konsideratu beharko dugu orain egin dutela ukabilkada mahaian, baina bideak hamarkadak hartuko dituela gogoan dutela. Esango nuke dena dela goizegi abiatu direla besterik gabe, ez baitute Espainia ezagutu, ez baitute hemengo gordintasuna ikusi. Eta bai han eta bai hemen, uste dut jendea gailurrera edo behatzera dagoela begira, independentziara. Horren aurretik ere egin behar eta egin dezakegun guztia… estrategia egokiarekin, benetan herri boteretsua izan gintezke, agian Frantzia eta Espainia gu gainetik kentzearren independentzia oparitzeraino. Hau izan behar du bitarteko helburua, herri horren zabal eta boteretsua izan gure inbaditzailearen etnia bera kolokan jarri arte.

        Beraz herri bat indartzeko bidean ez dago misteriorik, estrategia integrala behar da. Beraz, gakoa da ez dagoela “gakorik”. Akaso, ideia oinarrizkoenak, oinarrira itzulera egin behar dugu: batasuna, kohesioa, helburuetan zentratzea, irudimena, ausardia eta pertseberantzia. Kontua da Espainia eta Frantziak ez digutela hau bera hasten ere uzten, eta hemengo ezker zein eskuin zerbitzariek ez dutela egiten eta ez dutela egiten zuten ere.

        Azken finean hau da nazioari begira nik egingo dudan (eta horrenbeste gorroto dudan) sustapena, hau da egin behar duguna. Dena dela zentratuko naiz ea guk, taldetxo bezala, zer egin dezakegun.

        Eta katalunian zer gertatuko den… ez du jada gehiegi axola. Zertarako begiratu malabarismoz eta txiripaz ea estatu independientea aurki lortuko duten… hobe gu zentzu guztietan boteretsuago egiten joan halako atzerako artaziak egin ordez.

  • #1572

    Oier P.A.
    Participant
    Maila: Rh-
    • #1575

      Mikelats
      Participant
      Maila: Rh-

      Analisiarekin erabat bat egiten ez badut ere zertzelada interesgarriak ematen dituela esan beharra dago. Proces zale fanatikoenak ere hasi dira onartzen XXI. mendeko testuinguru honetan estatu berrien sorrerak prezio oso garestia daukala, eta gure herriak, mendebalde dekadente honetako adibide garbi gisa ez duela sakrifiziorako inolako gogo eta indarrik. Eta kataluniarrek berdin. Procesetik atera daitekeen leziorik garrantzitsuenak hori behar luke, ea abertzale instituzionalistei ere behingoz buruan sartzen zaien. Herri gisa daukagun apurra urrearen pare gorde, gure arteko loturak sendotu eta egoerari epe luzerako ikuspuntuarekin aurre egitea tokatzen zaigu orain.

      Askatasun Ligaren proposamena zeharka bada ere azken urteetako ustezko irtenbide politikoen porrotetik dator. Guk argi ikusi dugu, eta pixkanaka jendea ari da ohartzen proiektu maximalistetatik haratago herria oinarritik lantzen hasi behar dela, familia eta norbanako indartsuak sortuz, ahalik eta elkartuen eta autosufizienteenak. Herria indartsu egoteko norbanakoek indartsu egon behar dute, eta herria indartsu egotean zabalduko dira independentzia politiko baterako aukerak, testuinguru geopolitikoak horretarako aukera eskaintzen duenean. Adibide gisa, webgune honetan han-hemendik aipatutako Herri Kurdua.

      • #1576

        Oier P.A.
        Participant
        Maila: Rh-

        Bai, azken artikuluan azaltzen da Herri Kurduaren sekretu nagusia bere biziraupenerako. Sistema tribal batean daude antolaturik, hau da, leinu edo familia handien arteko sare etniko batean. Hori dela-eta izan dira gai inguruko inperio eta kulturen eragin boteretsuari aurre egiteko mendeetan zehar, baita gaur ere.

You must be logged in to reply to this topic.